ក្រោយ កុល ដាវី បាត់បង់កូនដំបូងក្នុងផ្ទៃ សុខ រក្សា ខំថែរសុខភាពប្រពន្ធ ដើម្បីត្រៀមយកម្តងទៀត

ក្រោយពីខូចចិត្តមួយរយៈ ពេលនេះតារា សម្តែងរូបស្រស់ កុល ដាវី ក៏មានអារម្មណ៍ស្រស់ស្រាយឡើងវិញ ដោយថ្មីៗនេះ នាងបានបង្ហាញ នូវរូបភាពដ៏ស្រស់ស្អាត និង ផ្អែមល្ហែមជាច្រើនសន្លឹក ក្នុងដំណើរកម្សាន្តនា អំឡុងថ្ងៃសម្រាក ជាមួយស្វាមីសំណព្វចិត្ត។

គេចាំបានថាតារាសម្តែង កុល ដាវី បាន បាត់បង់ កូនក្នុងផ្ទៃ ដែលជាកូនដំបូងទាំងមិនដឹងមូលហេតុ កាលពីមួយរយៈមុន។ រឿងរ៉ាវនេះ មហា ជ នជាច្រើនយល់ថា វាបានប៉ះទង្គិចផ្លូវចិត្តរបស់តារាសម្ដែងរូបស្រស់ និង ស្វាមីនាងជាខ្លាំង។ ក្រោយព្យុះជីវិតបោកបក់បែបនេះ កុល ដាវី ក៏ទទួលបានមកវិញនូវការលើកទឹកចិត្ត ពីសំណាក់មិត្តភក្តិ ជាពិសេសស្វាមីជាទីស្រឡាញ់តែម្តង។

ពេលនេះ គេសង្កេតឃើញថានាងមានអារម្មណ៍ល្អឡើងវិញ ក្រោយនាង បានបង្ហាញនូវរូបភាពរ៉ូមែនទិកស្រស់ស្អាតជាច្រើនសន្លឹក ប្រកបដោយស្នាមញញឹមជាមួយស្វាមី និង បានបង្ហាញនូវពាក្យពេចន៍មានអត្ថន័យមួយចំនួន អរគុណទៅដល់ស្វាមីថា៖

«កក់ក្តៅណាស់ពេលមានប្តីសំលាញ់នៅក្បែរអូនរហូតអ៊ីចឹង មិនថាអូន ឈឺ ឬ ក៏ជា បងតែងតែមើលថែអូន និង ផ្តល់កំលាំងចិត្តអូនបានយ៉ាងល្អណាស់ អ៊ីចឹងហើយបានជា មិនចង់ឱ្យបងទៅណាឆ្ងាយពីអូនមួយជំហ៊ាន ស្រឡាញ់បងណាស់ប្តីសំលាញ់»។

ងាកមកលោក សុខ រក្សា ជាស្វាមីឯណេះវិញក៏បានបង្ហាញនូវអារម្មណ៍រីករាយក្រោយពីបានឃើញ កុល ដាវី មានស្ថានភាពផ្លូវចិត្តល្អប្រសើរវិញដោយក្នុងនោះលោកបានអះអាងថា៖ «បងសប្បាយចិត្តណាស់ ពេលដែល ឃេីញស្នាមញញឹមដ៏ស្រស់របស់អូន ប្រពន្ធសំលាញ់ចិត្តបង»។ ក្នុងនោះក៏មានការជូនពរពីសំណាក់មិត្តភក្តិក៏ដូចជាអ្នកគាំទ្រឱ្យ កុល ដាវី ឆាប់មានដំណឹងល្អក្នុងពេលឆាប់ៗជាថ្មីម្តងទៀតផងដែរ៕

Leave a Reply

Your email address will not be published. Required fields are marked *